Այսօր հեռախոսազրույց է տեղի ունեցել ՌԴ ԱԳ նախարար Սերգեյ Լավրովի և Հայաստանի արտգործնախարար Արարատ Միրզոյանի միջև։ Այս մասին հաղորդում է ՌԴ ԱԳ նախարարությունը։
Ըստ տարածած հաղորդագրության երկու երկրների նախարարները քննարկել են Ադրբեջանի, Հայաստանի և Ռուսաստանի ղեկավարների՝ 2020 թվականի նոյեմբերի 9-ի և 2021 թվականի հունվարի 11-ի պայմանավորվածությունների կատարման ընթացքը՝ հաշվի առնելով նոյեմբերի եռակողմ փաստաթղթի ստորագրման մեկ տարին։
ՌԴ ԱԳ նախարարության հարղորդագրությունում ասվում է նաեւ, որ Լավորվն ու Միրզոյանը հատուկ ուշադրություն են դարձրել հրատապ հումանիտար խնդիրների լուծման գործում առաջխաղացմանը, առաջին հերթին՝ պահվող անձանց վերադարձին, ականապատ դաշտերի քարտեզների փոխանցմանը և մշակութային և կրոնական ժառանգության պահպանմանը։ Քննարկել են հայ-ադրբեջանական սահմանին լարվածության թուլացման, Հարավային Կովկասում բոլոր տրանսպորտային և տնտեսական կապերի ապաշրջափակման, տարածաշրջանային համագործակցության համար բարենպաստ մթնոլորտ ստեղծելու հարցերը։ Ընդգծել են Հայաստանի և Ադրբեջանի միջև սահմանային միջադեպերի քաղաքական և դիվանագիտական կարգավորմանն ուղղված ջանքերի շարունակականության կարևորությունը։
Նախարարներն անդրադարձել են նաեւ ռուս-հայկական գործակցության ակտուալ հարցերինը՝ հաշվի առնելով տարբեր մակարդակներով առաջիկա երկկողմ շփումները։
Արտաքին հարաբերությունների գերատեսչությունների ղեկավարները քննարկել են նաև մի շարք միջազգային և տարածաշրջանային թեմաներ։