Հնդկաստանը Ադրբեջանին և Հայաստանին կոչ է անում բանակցություններ վարել և սահմանին ստեղծված իրավիճակը դիվանագիտական ճանապարհով լուծել։ Այս մասին ասված է Հնդկաստանի ԱԳՆ պաշտոնական ներկայացուցիչ Արինդամ Բաղչիի հայտարարության մեջ, որը հրապարակվել է գերատեսչության պաշտոնական կայքում։
«Մենք հաղորդումներ ենք ստացել հայ-ադրբեջանական սահմանի երկայնքով հարձակումների մասին, այդ թվում՝ քաղաքացիական բնակավայրերի և ենթակառուցվածքների վրա։ Մենք կոչ ենք անում ագրեսոր կողմին՝ անհապաղ դադարեցնել մարտական գործողությունները»,- ասվում է հայտարարության մեջ։
