Հայաստանի անկախության 30-ամյակի առթիվ ՌԴ նախագահ Վլադիմիր Պուտինը շնորհավորական ուղերձներ է հղել նախագահ Արմեն Սարգսյանին և վարչապետ Նիկոլ Փաշինյանին։ Այս մասին հաղորդում է Կրեմլի մամուլի ծառայությունը։
Հաղորդագրության համաձայն՝ Պուտինն իր ուղերձներում նշել է, որ երկու երկրների միջև սերտ գործակցություն է հաստատված տարբեր ոլորտներում, կառուցողական գործակցություն՝ Եվրասիական տնտեսական միության, ՀԱՊԿ և ԱՊՀ շրջանակներում։
«Հայաստանի հետ հարաբերությունները հիմնված են բարեկամության, մշակութային և հոգևոր մերձավորության վրա։ Դրանց հետագա զարգացումը դաշնակցային ոգով, անկասկած, համապատասխանում է մեր եղբայրական ժողովուրդների արմատական շահերին»,- նշել է Ռուսաստանի նախագահը։