ՀՀ վարչապետ Նիկոլ Փաշինյանը տեղեկացրել է, որ Հայաստանում ռազմական դրություն հայտարարելու նախագիծը պատրաստ է, և իշխանությունները պարբերաբար գնահատում են իրավիճակը՝ արժի՞ կայացնել նման որոշում, թե ոչ։
Ըստ Փաշինյանի. «Քանի այդ որոշումը չենք կայացրել, նշանակում է՝ գտնում ենք, որ նման որոշում կայացնելու անհրաժեշտություն չկա ոչ թե այն պատճառով, որ ագրեսիա չկա, այլ որ դա շատ լուրջ որոշում է, որն ունի մի շարք մեխանիզմներ, որոնք միայն ռազմական բնույթի չեն։ Կայացվող որոշումների էֆեկտիվությունը պետք է կայացնել՝ մի շարք դրվագներով մեր փորձը հաշվի առնելով»։
Փաշինյանի խոսքով, նման որոշում դեռ չի կայացվել, բայց դա չի նշանակում, որ այդ որոշումը հաջորդ պահին չի կայացվի՝ կախված իրավիճակի գնահատականից։
