ԱԺ նախագահ Ալեն Սիմոնյանն անդրադարձել է նախորդ շաբաթ Գեղարքունիքում տեղակայված զորամասի զորանոցներից մեկում բռնկված հրդեհի հետևանքով պաշտպանության նախարարի քաղաքական պատասխանատվության հարցին․
«Նախարարն այս ամենի հետ որևէ կերպ չի կարող կապ ունենալ, որովհետև ինքն իր գործառույթի մասով աշխատանքն ամբողջովին արել է։ Քաղաքական սակարկումները պաշտպանության նախարարի վերաբերյալ սին ու անտեղի եմ համարում»,- ասել է Սիմոնյանը։
Ըստ ԱԺ նախագահի՝ Պապիկյանի օրոք եղել են բարեփոխումներ.
«Բարեփոխումները՝ սկսած անձնակազմի փոփոխությունից, վերջացրած կահավորումով, բոլոր տեղերում փոխվել ու փոխվում է։ Մենք հիմա դրսից տարբեր որակի և բարձր մակարդակի կահավորում ենք ներմուծում Հայաստան»,-նշել է Աժ նախագահը
Նա անընդունելի է համարել դժբախտ պատահարը քաղաքական շահարկման թեմա դարձնելը։ Սիմոնյանը վստահեցրել է, որ եթե փոփոխություններ եղած չլինեին, նման դեպքերը, պատահարներն ավելի շատ կլինեին։
