Միացյալ Նահանգների նախագահ Ջո Բայդենն ապրիլի 24-ին հայ ժողովրդին հղված ուղերձում ԱՄՆ նախագահների շարքում առաջին անգամ պաշտոնապես ճանաչեց Հայոց ցեղասպանությունը: Բայդենն ապրիլի 24-ի ուղերձում օգտագործեց «ցեղասպանություն» եզրույթը:
«Յուրաքանչյուր տարի այս օրը հիշում ենք բոլոր նրանց կյանքերը, ովքեր դարձել են Օսմանյան կայսրության ժամանակաշրջանում Հայոց ցեղասպանության ժամանակ զոհ: Մենք կրկին խոստանում ենք կանխել նման ոճրագործության կրկնությունը: 1915 թվականի ապրիլի 24-ից սկսած, երբ Օսմանյան իշխանությունները Կոստանդնուպոլսում ձերբակալել են հայ մտավորականության ներկայացուցիչներին և համայնքների ղեկավարներին՝ 1.5 միլիոն հայեր արտաքսվել են, սպանվել կամ ուղարկվել են մահվան, ոչնչացման արշավի շրջանակներում: Մենք հարգում ենք «Մեծ Եղեռնի», զոհերի հիշատակը, որպեսզի տեղի ունեցածի սարսափները պատմության մեջ երբեք չմոռացվեն»,- ուղերձում նշել է ԱՄՆ նախագահ Ջո Բայդենը։
