ԵՄ քաղաքական գործիչները դիտարկում են ռուս խոշոր ձեռնարկատերերի սառեցված ակտիվներն օգտագործելու հնարավորությունը Ուկրաինայի ենթակառուցվածքների վերականգնման աշխատանքների ֆինանսավորման համար։ ՏԱՍՍ-ի փոխանցմամբ՝ այս մասին հայտնել է Bloomberg-ը՝ հղում անելով սեփական աղբյուրներին։
Աղբյուրը հաղորդել է, որ քննարկումը շատ վաղ փուլում է, դեռ կոնկրետ որոշումներ չեն կայացվել։ Գործակալության զրուցակիցները պնդում են, որ տարբերակներից մեկը դիտարկվում է «պատերազմական փոխհատուցում վճարելու համար միջոցների օգտագործումը»։
Bloomberg-ը նշում է, որ Եվրահանձնաժողովի խոսնակ Էրիկ Մամերը՝ մեկնաբանելով այս տեղեկությունը, նշել է, որ «այս պահին ակտիվները միայն սառեցված են»: