Ֆրանսիայի արտգործնախարար Ժան-Իվ Լը Դրիանը ուրբաթ օրը հեռախոսազրույց է ունեցել Հայաստանի և Ադրբեջանի գործընկերներ Արարատ Միրզոյանի և Ջեյհուն Բայրամովի հետ, որոնց ընթացքում քննարկել է Հարավային Կովկասում խաղաղության պահպանման և Ուկրաինայում տիրող իրավիճակը։ ՏԱՍՍ-ի հաղորդմամբ այս մասին հայտնում է Ֆրանսիայի ԱԳՆ մամուլի ծառայությունը։
Լե Դրիանը մտահոգություն է հայտնել վերջին շրջանում տեղի ունեցած միջադեպերի աճի կապակցությամբ և կոչ արեց օգտագործել բոլոր առկա միջոցները լարվածությունը նվազեցնելու համար: Նա ընդգծել է շահագրգիռ կողմերի միջև շփումների կարևորությունը Լեռնային Ղարաբաղի բնակչությանը մատակարարող վերջերս վնասված գազային ցանցը վերականգնելու համար:
Բացի այդ, ֆրանսիական դիվանագետը հայտարարել է խաղաղության շուրջ բանակցությունների գործընթացին աջակցելու Ֆրանսիայի պատրաստակամության մասին։
Նախարարը ողջունել է նաեւ Արարատ Միրզոյանի վերջին այցը Թուրքիա և աջակցել երկու երկրների միջև հետագա շփումներին՝ հարաբերությունները կարգավորելու նպատակով։ Ադրբեջանի արտգործնախարարի հետ զրույցում նա ողջունել է Ուկրաինային Բաքվի հումանիտար օգնության տրամադրումը: