Թուրքիայում անտառային բոլոր հրդեհները մարվել կամ վերահսկողության տակ են առնվել, բացառությամբ Մուղլա նահանգում երկուսի, երկուշաբթի հայտարարել է երկրի գյուղատնտեսության և անտառտնտեսության նախարար Բեքիր Պակդեմիրլին:
«Մեր երկրում անտառային բոլոր հրդեհները հսկողության տակ են, բացառությամբ Միլասում և Կոյչեգիզում (Մուղլա նահանգ) բռնկված հրդեհները, աշխատանքները շարունակում են դրանք մարելու ուղղությամբ», – գրել է Պակդեմիրլին Twitter-ում:
Թուրքիայի նախագահի աշխատակազմի կապի վարչության պետ Ֆահրեթթին Ալթունը կիրակի հայտարարել է, որ վերջին 12 օրվա ընթացքում 47 նահանգներում 234 հրդեհներ են վերահսկվել կամ մարվել, իսկ երկրի հարավում անտառային հինգ հրդեհները դեռ շարունակվում են:
Ինչպես ավելի վաղ հայտնել էր հանրապետության առողջապահության նախարարության ղեկավար Ֆահրեթթին Քոջան՝ Թուրքիայում անտառային հրդեհների զոհերի թիվը հասել է 8-ի: