Հունաստանը շեշտել է, որ աջակցում ենք բոլոր պետությունների ինքնավարությանն ու տարածքային ամբողջականությանը և դա վերաբերում է նաև մեր լավ ընկեր հայերին: Այս մասին Երևանում հայտարարել է Հունաստանի արտաքին գործերի նախարար Նիկոս Դենդիասը:
«Ես կցանկանայի հստակ ուղերձներ ուղարկել այն երկրներին, որոնք փորձում են վերասահմանել քարտեզները: Ուզում եմ նշել, որ նման քաղաքականության փորձերը կձախողվեն: Ես կնշեմ ևս մեկ ուժի, դա Թուրքիան է, որ փորձում է օգտվել այս խառը իրավիճակից որպեսզ անհարգալի լինի կայունության նկատմամբ: Մենք, հույներս վկա ենք նաև թուրքական հռետորաբանությանը»,- նշել է հույն դիվանագետը:
Նիկոս Դենդիասը նշեց նաև, որ Լեռնային Ղարաբաղի հարցում Հունաստանի դիրքորոշոմը մնում է անփոփոխ և պաշտոնական Աթենքը աջակցում է խաղաղ և փոխադարձ լուծումների գնալը միջազգային իրավունքի շրջանակներում: Ըստ Հունաստանի արտգործնախարարի՝ խաղաղ լուծումներն իրականություն չեն դառնա, եթե կա ուժի սպառնալիք, դա վերաբերում է ոչ միայն Հարավային Կովկասին, այլև ամբողջ աշխարհին:
Հույն դիվանագետը նաև շեշտել է, որ հումանիտար խնդիրները պետք է անհապաղ լուծվեն և միջազգային մարդասիրական բոլոր իրավունքները պետք է հարգվեն