ԱԺ նախագահ Ալեն Սիմոնյանն անդրադարձել է ՌԴ ԱԳ նախարար Սերգեյ Լավրովի այն հայտարարություններին, թե ողջունում են հայ-ադրբեջանական հարաբերությունների կարգավորմանն ուղղված երրորդ երկրների ջանքերը․ «Դա նրանք միշտ ասում են, որ եթե ուրիշները կարող են հարցն ինչ-որ ձևով լուծել, իրենք միայն կողմ կլինեն։ Բայց հարցն այն է, որ այդ հարցը պետք է լուծեն իրենք՝ ռուսները։
Իրենք պետք է այդ հարցը լուծած լինեին։ Եկեք ծուռը նստենք, դուզը խոսենք. նրանք էին մեր տարածքային ամբողջականության, անվտանգության ապահովողը։ Այստեղ է գտնվում ռուսական զորախումբը՝ 102-րդ ռազմաբազան, և այդ ամեն ինչը՝ մեր պայմանագրերն այս իրավիճակին էին միտված։ Դուք ո՞ւր եք, ինչո՞ւ ավելի ակտիվ չեք մասնակցում։ Եթե չեք կարողանում, պետք է բարձրաձայն դրա մասին ասել և, միգուցե, միասին նստել, ելքեր գտնել։ Բայց տեսնում ենք այն, ինչ տեղի է ունենում»,- ասել է Ալեն Սիմոնյանը։