Կատարում ընթացող ֆուտբոլի աշխարհի առաջնության քառորդ եզրափակիչի երկրորդ խաղում մրցեցին Նիդերլանդների և Արգենտինայի հավաքականները: Խաղի հիմնական ժամանակն ավարտվեց 2-2 հաշվով։
Լրացուցիչ ժամանակում թիմերը գոլեր չխփեցին։ 11 մետրանոց հարվածաշարն ավելի արդյունավետ իրացրեցին Արգենտինայի հավաքականի ֆուտբոլիստները։
Արգենտինան կիսաեզրափակիչում կմրցի Խորվաթիայի հավաքականի հետ, որը պայքարից դուրս էր թողել Բրազիլիայի ընտրանուն։
