ԿԲ նախագահ Մարտին Գալստյանը հայտարարել է, որ Հայաստանում գնաճը հասել է 9,9 տոկոս մակարդակի, ինչը մտահոգիչ է:
«Սա, ի դեպ, ԵՄ երկրների գնաճին է հավասար։ Իրավիճակը բավականին մտահոգիչ է: Երբ ռուսական կողմից նոր հայտարարություններ եղան մոբիլիզացիայի հետ կապված, տեսանք նոր մարդկանց հոսք, որն ավելացնում է արտաքին պահանջարկի գործոնի ազդեցությունը մեր գնաճի վրա: Մենք մի բանում ենք հաստատակամ, որ անպայմանորեն պետք է բոլոր քաղաքականությունները նպատակադրենք նրան, որ մեր գնաճը զսպենք ու մյուս տարվա ընթացքում գանք թիրախին»,-նշել է ՀՀ ԿԲ նախագահը։