Պեկինի օդանավակայանում ձերբակալվել է Արգենտինայի հավաքականի ավագ, աշխարհի չեմպիոն Լիոնել Մեսսին։ Պատճառը Մեսսիի՝ երկիր մուտք գործելու համար անհրաժեշտ վիզայի բացակայությունն է եղել։
Ֆուտբոլիստը առանց համապատասխան փաստաթղթի է այցելել Չինաստան, ներկայացնելով ոչ թե արգենտինական, այլ՝ իսպանական անձնագիրը: Իսկ Իսպանիայի քաղաքացիները ՉԺՀ առանց վիզայի մուտքի թույլտվություն չունեն։
Ինչպես հայտնում են ԶԼՄ-ը, կարճ ժամանակ անց միջադեպը հարթվել է՝ Մեսսիին թույլատրել են մուտք գործել երկիր։
Արգենտինայի հավաքականը Չինաստան էր ժամանել՝ մասնակցելու Ավստրալիայի հավաքականի դեմ ընկերական հանդիպմանը։
