ՌԴ ԱԳՆ խոսնակ Մարիա Զախարովան իր ամենշաբաթյա ասուլիսում անդրադարձել է ՀՀ վարչապետ Նիկոլ Փաշինյանի հայտարարությանը։ Հիշեցնենք, վարչապետ Փաշինյանն այսօր կառավարության նիստում հայտարարել էր, որ Լաչինի միջանցքի բլոկադան ցույց է տալիս, որ ՌԴ խաղաղապահները եռակողմ հայտարարությամբ արձանագրված իրենց պարտականությունները չեն կատարում։
Ի պատասխան դրան՝ ՌԴ ԱԳՆ խոսնակ Զախարովան հայտարարել է. «ՌԴ խաղաղապահները իրենց առաքելությունը կատարում են։ Քայլեր են կատարվում իրավիճակը կայունացնելու համար։ Եթե հայտնի չէ, կարող եմ կրկնել նրանց համար, ովքեր չգիտեն։ Սրացումներ քանիցս եղել են, նաև՝ մինչ այդ, և միայն ՌԴ խաղաղապահներն են ամեն ինչ արել իրավիճակի կայունացման համար։ Մեր խաղաղապահների նկատմամբ այդպիսի վերաբերմունքն ընդունելի չէ»,- հավելել է Զախարովան։