Միլանի «Ինտերը» երկու խաղերի արդյունքում հաղթեց «Միլանին» և 2010 թվականից հետո առաջին անգամ դուրս եկավ Չեմպիոնների լիգայի եզրափակիչ: Սա նշանակում է, որ «Ինտերի» հաղթանակի դեպքում հայ կիսապաշտպան Հենրիխ Մխիթարյանը կարող է դառնալ պատմության մեջ առաջին ֆուտբոլիստը, որը նվաճել է եվրագավաթների երեք գլխավոր մրցանակները:
Հենրիխի հավաքածուում արդեն կան Եվրոպայի լիգայի-2016/17-ի («Մանչեսթեր Յունայթեդի» հետ) և Կոնֆերենցիաների լիգայի-2021/22-ի («Ռոմայի» հետ) գավաթները: Բացակայում է միայն Չեմպիոնների լիգայի գավաթը։
Հիշեցնենք, որ Չեմպիոնների լիգայի եզրափակիչը տեղի կունենա հունիսի 10-ին՝ Ստամբուլում: