Այսօրվանից շրջանառության մեջ է դրվելու առողջապահության նախարարի հրամանի փոփոխության նախագիծը, ըստ որի՝ աշխատող անձանց համար ՊՇՌ թեստավորման ժամկետը 14 օրվա փոխարեն սահմանվելու է 7 օր։ Այս մասին հայտնել է առողջապահության նախարար Անահիտ Ավանեսյանը։
«Հնարավոր սահմանափակումների մասով ասեմ, որ մեր կողմից արդեն իսկ հրամանի փոփոխության նախագիծը շրջանառվելու է այսօր։ Մենք առաջարկելու ենք, որ դեկտեմբերի 1-ից աշխատատեղերում ներկայացվող ՊՇՌ բացասական պատասխանի համար 14-օրյա ժամկետը փոխվի 7-օրյայի»,- ասաց նա։
Նախարարը նաեւ տեղեկացրել է, որ քննարկվում է ժամանցի վայրեր մուտքը միայն պատվաստված անձանց համար դարձնելու առաջարկը:
«Այդ առաջարկները ևս ներառված են, դրանք կքննարկվեն, և միջգերատեսչական հանձնաժողովի կողմից արդեն վերջնական հավանություն տալուց հետո, այո, հնարավոր է»։