Ինչպես տեղեկցանում է ՌԴ նախագահի պաշտոնական կայքը՝ հայկական կողմի նախաձեռնությամբ Վլադիմիր Պուտինը հեռախոսազրույց է ունեցել Հայաստանի Հանրապետության վարչապետ Նիկոլ Փաշինյանի հետ:
«Շարունակվել է Լեռնային Ղարաբաղի շուրջ իրավիճակի քննարկումը։ Վերահաստատվել է Ռուսաստանի, Հայաստանի և Ադրբեջանի ղեկավարների 2020 թվականի նոյեմբերի 9-ի, 2021 թվականի հունվարի 11-ի ու նոյեմբերի 26-ի եռակողմ պայմանավորվածությունների հետևողական իրականացման կարևորությունը: Ընդ որում, ընդգծվել է ռուսական խաղաղապահ զորակազմի դերը տարածաշրջանում կայունության ապահովման գործում»,- նշված է հաղորդագրությունում։
Անդրադարձ է կատարվել Ռուսաստանի և Հայաստանի ռազմավարական գործընկերության ու դաշնակցային հարաբերությունների հետագա զարգացման որոշ արդիական թեմաների: