Ռուսաստանի Պետդուման այսօր կայացած նիստում՝ ձայների մեծամասնությամբ ընդունեց Դոնեցկի և Լուգանսկի Ժողովրդական Հանրապետությունների ճանաչման վերաբերյալ Կոմունիստական կուսակցության խմբակցության առաջարկած բանաձեւը: Նախագիծն անհապաղ կուղարկվի ՌԴ նախագահ Վլադիմիր Պուտինին։
ՏԱՍՍ գործակալության փոխանցմամբ՝ որոշմանը կողմ քվեարկեց 351, դեմ՝ 16, ձեռնպահ՝ մեկ պատգամավոր։ Միեւնույն ժամանակ, Պետդուման չի աջակցել այլընտրանքային բանաձեւի նախագծին, ըստ որի՝ նախագծի տեքստը պետք է ուղարկվի ԱԳՆ՝ խորհրդակցությունների։