Մոսկվայում ընթացող ծանրամարտի Եվրոպայի առաջնության 102 կգ քաշային կարգում Հայաստանի ծանրամարտի տղամարդկանց հավաքականի անդամ՝ Արսեն Մարտիրոսյանը պոկում վարժությունում նախ բարձրացրեց 165 կգ, այնուհետ` 171 կգ, սակայն չբարձրացրեց 175 կգ: Այս մարզաձևում նա 4-րդն էր: Իսկ հրում վարժությունում Մարտիրոսյանը դարձավ բրոնզե մեդալակիր:
Երկամարտում Արսեն Մարտիրոսյանը գրանցեց 380 կգ արդյունք և դարձավ Եվրոպայի առաջնության արծաթե մեդալակիր:
Գյումրեցի Սամվել Գասպարյանը պոկում վարժությունում նվաճեց փոքր արծաթե մեդալ: Հրում վարժությունում Գասպարյանը նախ բարձրացրեց 209 կգ, այնուհետ` 214 կգ: Գյումրեցի ծանրորդը այս վարժությունում նվաճեց փոքր ոսկե մեդալ: Երկամարտում Սամվել Գասպարյանը գրանցեց 390 կգ արդյունք և նվաճեց ոսկե մեդալ: