Երևանի քաղաքապետարանի լրատվության վարչության պետ Լևոն Սարդարյանն անդրադարձել է մայրաքաղաքի թիվ 77 երթուղում տեղի ունեցած միջադեպին՝ «Ֆեյսբուքի» իր էջում գրելով.
«Քանի որ բնական հետաքրքրություն կա՝ կապված թիվ 77 երթուղում տեղի ունեցած միջադեպի հետ (պարեկային ոստիկանության ստուգման արդյունքում պարզվել է, որ վարորդը հարբած է), և որպեսզի ստիպված չլինենք առանձին-առանձին պատասխանել բոլորիդ հարցերին, տեղեկացնում եմ, որ վարորդը հեռացվել է աշխատանքից և զրկվել է վարորդական իրավունքից»,- գրել է Սարդարյանը։
