ԱԺ քննիչ հանձնաժողովի այսօրվա նիստին մասնակցում է ՀՀ պաշտպանության նախկին նախարար, այժմ կալանքի տակ գտնվող Դավիթ Տոնոյանը։
Դատարանը թույլատրել է Դավիթ Տոնոյանին 2 օրով՝ օգոստոսի 1-2-ին մասնակցել քննիչ հանձնաժողովի աշխատանքներին։
Տոնոյանը նշեց, որ ինքը որոշ տեղեկություններ կհաղորդի բաց նիստում, սակայն անհրաժեշտություն է լինելու անցկացնել նաև փակ նիստ։
«Այն տեղեկությունները, որոնք ես տրամադրելու եմ, գտնում եմ, որ պետք է փակ նիստով լինի»,- ասել է նա։
Տոնոյանը նաև մանրամասնել է, թե ինչո՞ւ է համաձայնվել մասնակցել հանձնաժողովի նիստին. «ՀՀ վարչապետի բաց ելույթը ինձ մոտ հարցեր առաջացրեց, կար նաև նախկին ԳՇ պետի հրապարակային արձագանքը, դրանում է կայանում նաև իմ շտապողականությունը»։