«Խորը ցավով տեղեկացա Վրաստանի Ռաճայի տարածաշրջանում տեղի ունեցած աղետի մասին, որը մարդկային կյանքեր խլեց։ Այս ծանր պահին իմ ցավակցությունն եմ հայտնում եղբայրական վրաց ժողովրդին և իշխանություններին, իսկ զոհերի հարազատներին մաղթում տոկունություն և համբերություն»,- այս մասին ասվում է ԱԳ նախարար Արարատ Միրզոյանի «Թվիթերի» էջում արված գրառման մեջ։
Հիշեցնենք, որ երեկ Վրաստանի Օնիի մունիցիպալիտետում՝ Շովի հանգստավայրի տարածքում տեղի է ունեցել սողանք. որին այս պահի տվյալներով զոհ է գնացել 7 մարդ, իսկ շուրջ 30 անձ համարվում է անհետ կորած։
