Մերձավոր Արևելքում մեծանում է տարածաշրջանային պատերազմի ընդլայնման հնարավորությունը՝ ԱՄՆ-ի և Իրանի ուղիղ բախման զգալի հավանականությամբ։ Այս մասին տեղեկացնում է տարածաշրջանային հարցերի փորձագետ Արմեն Պետրոսյանը։
Նրա ծոսքով՝ հունվարի 28-ին Սիրիայի տարածքում՝ Հորդանանի և Իրաքի սահմանների մերձակայքում գտնվող ամերիկյան «ալ-Թանֆ» ռազմավարական նշանակության ռազմաբազայի դեմ աթս-ով հարձակման հետևանքով զոհվել է 3, վիրավորվել ավելի քան 3 տասնյակ ամերիկացի զինծառայող։ Ըստ որոշ աղբյուրների՝ հարձակման պատասխանատվությունն ստանձնել է իրաքյան իրանամետ «Քաթայիբ Հիզբալլահ» խմբավորումը։
Արմեն Պետրոսյանը նշում է, որ սիրիական հակամարտության ողջ ընթացքում ռազմաբազայի առանցքային գործառույթներից էր «Շիայական կիսալուսնի» առանցքի երկրների՝ Իրան-Իրաք-Սիրիա-Լիբանան ցամաքային կապի վերահսկումը։ Ակնկալվում է, որ տեղի ունեցած հարձակման դեմ ԱՄՆ-ի պատասխանը կարող է ուղիղ կերպով թիրախավորել Իրանը՝ դրանով իսկ ավելի մեծացնելով տարածաշրջանային մեծ պատերազմի հավանականությունը։