ԱՄՆ-ի նախնական գնահատականները ցույց են տալիս, որ Լեհաստանին հարվածած հրթիռն արձակվել է Ուկրաինայից

ԱՄՆ նախնական գնահատականներին ծանոթացած երկու պաշտոնյաներ հայտնել են, որ, ըստ երևույթին, Լեհաստանի արևելքում երկու մարդու մահվան պատճառ դարձած հրթիռն արձակվել է Ուկրաինայից, թեև այն ռուսական էր: «Արմենպրես»-ն այս մասին տեղեկանում է CNN-ի հրապարակումից:

Ըստ պաշտոնյաներից մեկի՝ ԱՄՆ նախագահ Ջո Բայդենը նկատի ուներ այս տեղեկությունները, երբ ավելի վաղ հայտարարել էր, թե «քիչ հավանական է», որ հրթիռն արձակվել է Ռուսաստանի տարածքից:

ԱՄՆ Ազգային անվտանգության խորհրդի խոսնակը հրաժարվել է մեկնաբանել լուրերն այն մասին, որ հրթիռն արձակվել է ուկրաինական ուժերի կողմից, որոնք փորձել են կասեցնել ռուսական հարձակումը:

«Մենք մեկնաբանություն չունենք և չենք հաստատի այս զեկույցը: Ինչպես նախագահն այսօր ասաց, մենք աջակցում ենք Լեհաստանի կողմից ընթացող հետաքննությունը՝ պարզելու, թե կոնկրետ ինչ է տեղի ունեցել», – ասել է խոսնակը:

Իր հերթին Բելգիայի պաշտպանության նախարար Լյուդիվին Դեդոնդերը հայտնել է, որ հրթիռն, ամենայն հավանականությամբ, Լեհաստանի տարածքում է ընկել Ուկրաինայի հակաօդային պաշտպանության համակարգի կողմից ռուսական հրթիռը խոցելու հետևանքով: Նա իր «Թվիթեր»-ի էջում գրել է, որ ըստ տեղեկությունների՝ Լեհաստանում գտել են ռուսական հրթիռների և ուկրաինական ՀՕՊ հրթիռի բեկորներ:

Հիշեցնենք՝ Լեհաստանում՝ Ուկրաինայի սահմանից 6.4  կմ հեռավորության վրա գտնվող Պշևոդուվ գյուղում հրթիռ է ընկել, որի հետևանքով 2 մարդ է մահացել: Լեհաստանի նախագահ Անջեյ Դուդան մամուլի ասուլիսի ժամանակ հայտարարել է, որ երկրի իշխանությունները հստակ տվյալներ չունեն այն մասին, թե ով է արձակել հրթիռը:

Մոսկվան հերքել է իր առնչությունը միջադեպին: ՌԴ ռազմական գերատեսչությունը նշում է, որ Ուկրաինա-Լեհաստան պետական սահմանի մոտ ռուսական միջոցները որևէ թիրախի չեն հարվածել:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Ալեն Սիմոնյանի այցը Վրաստան մեկնարկել է 2 երկրների դիվանագիտական հարաբերությունների խորհրդանշական միջոցառմամբ

Հաջորդը

Վարչապետն ու Շվեյցարիայի նախկին նախագահը մտքեր են փոխանակել Հարավային Կովկասում տեղի ունեցող գործընթացների շուրջ

Առնչվող նյութեր
Դիտել

Հայաստանի խնդրանքի վերաբերյալ Արդարադատության միջազգային դատարանը կայացրել է որոշում

2022 թվականի հոկտեմբերի 12-ին Արդարադատության միջազգային դատարանը կայացրել է որոշում Ռասայական խտրականության բոլոր ձևերի վերացման մասին կոնվենցիայի շրջանակներում…
Դիտել

Ծայրահեղ ծանր վիճակում գտնվող զինվորի առողջականում որևէ փոփոխություն չկա. Անահիտ Ավանեսյան

ՀՀ Առողջապահության նախարարի պաշտոնակատար Անահիտ Ավանեսյանն այսօր լրագրողներին հայտնել է, որ երեկ հակառակորդի սադրանքի հետևանքով վիրավորում ստացած զինվորները…
Դիտել

Միջուկային ապոկալիպսիսի վտանգն այժմ ամենաբարձր մակարդակի վրա է. Բայդեն

Մոսկվայի կողմից միջուկային զենքի հնարավոր կիրառման սպառնալիքների ֆոնին ԱՄՆ նախագահ Ջո Բայդենը նախազգուշացրել է աշխարհի վերջի վտանգի մասին։…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share