Այսօր Եվրոպական միությունից ՀՀ կժամանի տեխնիկական խումբը՝ քննարկելու ԵՄ փաստահավաք առաքելության տեղակայման վայրերը և բոլոր անհրաժեշտ չափանիշները։ Այս մասին այսօր լրագրողների հետ զրույցում նշել է ՀՀ փոխարտգործնախարար Պարույր Հովհաննիսյանը՝ անդրադառնալով ԵՄ քաղաքացիական առաքելության տեղակայման վայրերին վերաբերող հարցին։
Հարցին, թե ՀԱՊԿ-ն էլ է առաջարկել դիտորդներ ուղարկել հայ-ադրբեջանական սահմանին, որի՞ն կտրվի նախընտրությունը՝ փոխնախարարն արձագանքել է.
«Մենք բաց ենք բոլոր այն առաջարկների համար, որոնց շնորհիվ կամրապնդվի մեր անվտանգությունը, որի շնորհաիվ կապահովվի միջազգային հանրության դիտարկումը, որպեսզի խուսափենք այն իրավիճակից, որն ունեցանք սեպտեմբերին»:
Լրագրողի հարցին, թե արևմուտքից ինչ առաջարկներ կան հայ-ադրբեջանական սահմանում իրավիճակի կարգավորման հետ կապված, Հովհաննիսյան ասել է.
«Արևմուտիքց ոչ թե կոնկրետ առաջարկներ են, այլ ջանքեր են, որպեսզի աջակցեն երկու կողմերին»։
