Ազգային ժողովում ՀՀ ԱԳ փոխնախարար Վահե Գևորգյանն անդրադառնալով տարածաշրջանային գործակցության «3+3» առաջարկին նշել է, որ Հայաստանը կարևոր է համարում, որպեսզի առաջարկվող տարածաշրջանային գործակցության ձեւաչափերը չկրկնօրինակեն արդեն գոյություն ունեցողներին։
«Կան մի քանի տարածաշրջանային գործակցության առաջարկներ և «3+3»-ը դրանցից մեկն է։ Մեզ անհրաժեշտ է միասնական դիրքորոշում որդեգրել բոլորի հանդեպ։ Մեզ համար առաջնայինը Հայաստանի ազգային շահերի պաշտպանությունն է, վտանգների, ռիսկերի հաշվարկումը: Այս տեսակետից մեզ համար առաջնային է, որ որևէ կրկնօրինակում չլինի ԵԱՀԿ Մինսկի խմբի համանախագահության հետ։ Այդ բոլոր առաջարկները դիտարկվում են և այժմ դեռևս որևիցե առաջընթացի կամ որոշման մասին վաղ է խոսել», – ասաց փոխնախարարը:
