Թուրքիայի արտաքին գործերի նախարար Մևլութ Չավուշօղլուն արձագանքել է ԱՄՆ նախագահ Ջո Բայդենի կողմից Օսմանյան կայսրությունում Հայոց ցեղասպանության ճանաչմանը:
Չավուշօղլուն հայտարարել է, որ Անկարան «ամբողջությամբ մերժում է այդ հայտարարությունը»:
«Մենք մեր անցյալում ոչ մեկից սովորելու բան չունենք», – ասել է Թուրքիայի արտգործնախարարը (մեջբերում է Reuters-ը):
«Քաղաքական պատեհապաշտությունը խաղաղության և արդարության ամենամեծ դավաճանությունն է», – ասել է Մևլութ Չավուշօղլուն:
«Մենք բացարձակապես մերժում ենք այս հայտարարությունը՝ հիմնված բացառապես պոպուլիզմի վրա», – ընդգծել է նախարարը:
Այսօր՝ ապրիլի 24-ին ՝ Հայոց ցեղասպանության զոհերի հիշատակի օրը, ԱՄՆ նախագահ Ջո Բայդենը պաշտոնապես ճանաչել է Հայոց ցեղասպանությունը:
