Քաղաքական հարթությունում երկու երկրներն էլ գնտում են, որ շատ լավ հարաբերություններ ունեն: Այդ հարաբերություններն ավելի ամրապնդելու համար անհարժեշտ է իրականացնել երկու երկրների ղեկավարների շարունակական խորհրդակցություններ: Այս մասին այսօր հայտարարել է ՀՀ-ում Իրանի Իսլամական Հանրապետության դեսպան Աբաս Բադաշխան Զոհուրին, որը մասկացում էր Հայաստանի եւ Իրանի միջեւ դիվանագիտիական հարաբերությունների հաստատման 30 ամյակին նվիրված գիտաժողովին:
Ըստ դեսպանի՝ վերջին տարիներին տեղի ունեցած զարգացումները ցույց տվեցին որ ղեկավարների շարունակական խորհրդակցությունները տարածաշրջանային եւ եկրկկողմ հարաբերություններին առնչվող կարեւոր հարցերի շուրջ, ոչ միայն արդյունավետ են, այլեւ անհրաժեշտ:
«Այս առումով երկու երկրների միջեւ ռազմավարական երկխոսությունների մեկնարկը, որի շուրջ արդեն իսկ պայմանավորվածություններ են ձեռք բերվել, կլինեն օգտակար: Կապանում Իրանի հյուպատոսության բացելու որոշումով, որի նախապատարսական աշխատանքներն արդեն ընթացքի մեջ են, Թեհրանը հստակ հաստատել է տարբեր ոլորտներում Հայաստանի հետ հարաբերությունների կարեւորությունը»,- ասաց դեսպանը:
Դեսպանի խոսքով վերջին երկու տարիներին երկկողմ առեւտրաշրջանառությունը զգալի աճել է: Աճը վկայում է այն մասին, որ ավելի մեծ ջանքեր գործադրելու պարագայում՝ հնարավոր կլինի հասնել երկու պետությունների նախանշած թիրախին՝ տարեկան մինչեւ 1մլրդ դոլար առեւտրաշրջանառության:
«Երկու երկրների գործակցությունը տրանսպորտային եւ էներգետիկ ոլորտներում ամուր հիմք են ստեղծում՝ ոչ միայն երկու երկրների տնտեսական հարաբերությունների ընդլայնման, այլեւ տարածաշրջանում կայունության եւ անվտանգության պահպանման համար, որին մենք պետք է մեծ ուշադրություն դրաձնենք: Այսօր Հայաստանի տարածքով անցնող հյուսիս հարավ տրանսպորտային նախագծի իրականացման արագացումը դառնալու է կայուն նպատակ՝ տրանսպորտային հաղորդակցությունների միջոցով երկու երկրների շահերը ապահովելու համար: Բացի այդ տարածաշրջանային եւ համաշխարհային մակարդակներում առեւտրային արագ փոխադրումներն անխուսափելի են դարձրել Պարսից Ծոց-Սեւ Ծով տարանցիկ միջանցքի հնարավորինս արագ գործարկումը: Հայաստանի տարածքով անցնող Հյուսիս- Հարավ ճանապարհը կարող է կարեւոր օղակ հանդիսանալ ռազամավարական այս երթուղու համար: Այս ռազմավարական երթուղու իրականացումը պահանջում է լուրջ վճռականություն եւ ջանքերի գործադրում մեր կողմից: Հուսով ենք, որ ընդլայնելով ջանքերը ականտեսը կլինենք Հայաստանի դիրքերի ամրապնդմանը այս տարանցիկ շղթայում»,- նշեց ՀՀ-ում Իրանի դեսպանը:
