ՌԻԱ Նովոստին հայտնում է, որ Չինաստանը Երեւանին եւ Բաքվին երկխոսության կոչ է արել։ Պաշտոնական Պեկինը հույս ունի, որ Հայաստանն ու Ադրբեջանը կկարողանան հակասությունները կարգավորել երկխոսության միջոցով: Այսօր ճեպազրույցի ժամանակ հայտարարել էՉինաստանի ԱԳՆ պաշտոնական ներկայացուցիչ Չժաո Լիցզյանը։
«Ադրբեջանն ու Հայաստանը Չինաստանի բարեկամական գործընկերներն են։ Չինաստանը անկեղծորեն հույս ունի, որ կողմերը կկարողանան իրենց հակասություններն ու տարաձայնությունները կարգավորել երկխոսության միջոցով, համատեղ կաջակցեն տարածաշրջանային խաղաղությանն ու կայունությանը, ինչպես նաև մարդկանց հանգստությանը», – ասել է Չինաստանի արտաքին գործերի նախարարության ներկայացուցիչը:
