«Այո՛, Ադրբեջանը վերադարձրեց իրեն պատկանող հողերը»: Այս մասին այսօր հայտարարել է ՌԴ ԱԳ նախարար Սերգեյ Լավրովը՝ Դմիտրի Կիսելյովի հետ հարցազրույցում անդրադառնալով ղարաբաղյան կարգավորման գործընթացին։
Լավրովը նմանատիպ հայտարարություններ արել էր նախկինում նույնպես։ Սակայն Լավրովի այսօրվա հայտարարությունը 44 օրյա պատերազմի ժամանակ Հայաստանի հանդեպ Ռուսաստանի դավաճանական քայլի խոստովանություն էր։ Սերգեյ Լավրովն իր այս հայտարարությամբ ամրագրեց այն փաստը, որը թերևս շատերը գիտեին և տեսնում էին 44 օրյա պատերազմի ընթացքում։ Ռուսաստանի ԱԳ նախարարը փաստորեն պատասխանեց այն հարցին, թե ինչու Ռուսաստանը չէր շտապում կանգնեցնել 44 օրյա պատերազմը։
Սերգեյ Լավրովն ու Կրեմլի «նայողը»՝ սպասում էին, որպեսզի Ադրբեջանն ազատագրի իրեն պատկանող հողերը։ Սպասում էին, երբ ադրբեջանական ագրեսիայի զոհ էին դառնում իրենց դաշնակից երկրի հազարավոր զինվորականներ, քաղաքացիական անձինք, ծերեր, կանայք և երեխաներ, սպասում էին, երբ ավերվում էին հայկական գյուղերն ու քաղաքները։ Լավրովենք սպասում էին, որովհետև Ադրբեջանի հետ ճանապարհ էին հարթում Ուկրաինական պատերազմի համար։
Ռուսաստանի վերաբերմունքը Հայաստանի հանդեպ դարերի պատմություն ունի և այդ վերաբերմունքը ոչ թե բարեկամական է, ինչպես տաիներ շարունակ սովորեցրել են մեզ դպրոցներում, այլ դավաճանական։
Լավրովի այսօրվա խոսքերում նորություն թերևս չկար։ Ինչպես նորություն չէ այն, որ Հայաստանի հանդեպ ռուսական հերթական դավաճանական քայլի խոստովանությունը վստահվել էր հայկական ծագումով ռուսաստանցի դիվանագետին։
