Վրաստանում ՀՀ դեսպան Աշոտ Սմբատյանը երեկ՝ հոկտեմբերի 13-ին, հանդիպել է Վրաստանի հաշտեցման եւ քաղաքացիական հավասարության հարցերով պետական նախարար Թեա Ախվլեդիանիի հետ։ Այս մասին տեղեկանում ենք Վրաստանում ՀՀ դեսպանության ֆեյսբուքյան էջից։
Հանդիպման ընթացքում կողմերը մտքեր են փոխանակել Վրաստանում բնակվող ազգային փոքրամասնությունների՝ վրաց հասարակության մեջ ինտեգրմանն աջակցելուն ուղղված Վրաստանի իշխանությունների վարած քաղաքականության վերաբերյալ։
Անդրադարձ է կատարվել նաեւ տարածաշրջանում ստեղծված իրավիճակին, ընդգծվել է Հարավային Կովկասում տեւական խաղաղության եւ կայունության հաստատման անհրաժեշտությունը։