Չինաստանը հետ է կանչում Լիտվայում իր դեսպանին` Թայվանում ներկայացուցչություն բացելու Վիլնյուսի մտադրության պատճառով: Այս մասին երեքշաբթի հայտարարել է Չինաստանի ԱԳՆ-ն:
«Լիտվայի կառավարությունը` անտեսելով դիվանագիտական ներկայացուցչությունները և հնարավոր հետևանքների վերաբերյալ Չինաստանի հրահանգները, հայտարարել է, որ թույլ կտա Թայվանի վարչակազմին հիմնել ներկայացուցչություն Թայվանի անունից», – ասված է Չինաստանի ԱԳՆ կայքում տեղադրված հայտարարության մեջ:
«Չինաստանի առավարությունը կտրուկ բողոք է ներկայացրել դրա դեմ և որոշել հետ կանչել Լիտվայում Չինաստանի դեսպանին և խնդրել Լիտվայի կառավարությանը հետ կանչել Չինաստանում Լիտվայի դեսպանին»,- ասվում է Չինաստանի ԱԳՆ հայտարարության մեջ:
Պեկինը պնդում է, որ Վիլնյուսի գործողությունները «կոպտորեն խախտում են երկու երկրների միջև դիվանագիտական հարաբերություններ հաստատելու մասին հայտարարության ոգին և լուրջ վնաս են հասցնում Չինաստանի ինքնիշխանությանը և տարածքային ամբողջականությանը»:
