Ադրբեջանի և Թուրքիայի նախագահներ Իլհամ Ալիևը և Ռեջեփ Թայիփ Էրդողանը դատապարտել են Հայոց ցեղասպանության ճանաչման վերաբերյալ ԱՄՆ նախագահ Ջո Բայդենի հայտարարությունը: Նման դիրքորոշում նրանք հայտնել են հեռախոսազրույցի ժամանակ, հայտնում է Ադրբեջանի նախագահի մամուլի ծառայությունը:
Նշվում է, որ Ալիևն այդ որոշումը որակել է որպես «պատմական սխալ» և այն անընդունելի է համարում:
«Ալիևը նաև ընդգծել է, որ այդ հայտարարությունը լուրջ հարված է հասցնում տարածաշրջանում համագործակցության հաստատման միտումներին», – նշել է մամուլի ծառայությունը:
Թուրքիայի նախագահը շնորհակալություն է հայտնել ադրբեջանցի գործընկերոջն աջակցության համար:
Թուրքիայի նախագահ Ռեջեփ Թայիփ Էրդողանը և Ադրբեջանի նախագահ Իլհամ Ալիևը հեռախոսով քննարկել են ԱՄՆ նախագահ Ջո Բայդենի հայտարարությունը Հայոց ցեղասպանության ճանաչման վերաբերյալ և դրան ի պատասխան համատեղ քայլերը, հայտնում է NTV-ն:
