Մայիսի 19-ին՝ ժամը 14։45-ին, Արշակունյաց պողոտայում իրականացվող ակցիայի վայրում մի անձ, որը, ըստ նախնական տեղեկությունների, որևէ առնչություն չի ունեցել ակցիայի հետ, դրսևորել է ոչ իրավաչափ վարքագիծ, հնչեցնել հայհոյանքներ։
Պարեկային ծառայության Երևանի գնդի ծառայողները նշված անձին ձերբակալել և տեղափոխել են ոստիկանության Շենգավիթի բաժին։
22-ամյա երիտասարդի մոտ հայտնաբերվել է 20 մմ երկարությամբ ծալովի դանակ։ Նշանակվել է փորձաքննություն։ Նախաձեռնվել է քրեական վարույթ։
Հիշեցնենք, որ Շենգավիթի դատարանում քննվում էր վարչապետի որդուն առևանգելու փորձ կատարելու համար ձերբակալված Գայանե Հակոբյանին կալանավորելու հարցը։
Նշենք նաև, որ նրան աջակցելու համար դատարանի մոտ հավաքված մարդիկ փակել էին Արշակունյաց պողոտան, քանի որ դատարանը որոշել է Գայանե Հակոբյանի խափանման միջոցի վերաբերյալ որոշումը հրապարակել վաղը, ժամը 15:00-ին:
