Երեկ Վրաստան Հայաստան սահմանագոտում գրանցվեց հերթական ստորգետնյա ցնցումը: Էպիկենտրոնում երկրաշարժի ուժգնությունը կազմել է 6-7 բալ: Ստորգետնյա ուժեղ ցնցումները զգացվել են նաեւ Հայաստանի տարածքում: Մասնավորապես Շիրակի մազրում 6-ից 7 բալ, Լոռիում նույնպես 5-ից մինչեւ 7 բալ եւ մի շարք այլ մարզերում նաեւ Երեւանում 3-ից 5 բալ ուժգնությամբ: Երեկ գրանցված երկրաշարժց հետո մինչեւ այսօր օվա կեսը գրանցվել է 165 հետցնցում, որոնցից ամենաւոժեղը եղել է 3 մագնիտուտ: Այս մասին այսօր կայացած մամուլի ասուլիսի ժամանակ հայտնել է «Սեյսմիկ պաշտպանության տարածքային ծառայություն» ՊՈԱԿ տնօրեն Սոս Մարգարյանը:
«Վերջին մեկ տարվա ընացքում գրանցված ամենաուժեղ երկրաշարժն էր եւ հավանական է, որ հետցնցումները շարունակվեն մի փոքր ավելի: Սեյսմիկ պաշտպանության տարածքային ծառայության մասնագիտականն խմբերն այսօր առավոտից գտնվել են մարզերում եւ իրականացնում են մակրոսեյսմիկ հետազոտություններ»,- ասաց Սոս Մարգարյանը:
«Սեյսմիկ պաշտպանության տարածքային ծառայություն» ՊՈԱԿ տնօրեն Սոս Մարգարյանը նաեւ տեղեկացրեց, որ 2019 թվականին գրանցվել է 1500 երկրաշարժ, 2020 թվականին 1600, իսկ 2021 թվականին 2500 երկրաշարժ: Ըստ Սոս Մարգարյանի անցած տարի գրանցված 2500 երկրաշարժերի հիմնական մասը եղել են հետցնցումներ:
