Կրիշտիանու Ռոնալդուն կարիերան կշարունակի Սաուդյան Արաբիայում։
Այս մասին հայտնում է Armsport.am֊ը։
«Ալ-Նասր» ակումբը հայտարարել է 37-ամյա պորտուգալացի հարձակվողի հետ պայմանագիր կնքելու մասին։
Ավելի վաղ հաղորդվում էր, որ Ռոնալդուն պայմանագիր է կնքելու «Ալ-Նասրի» հետ մինչև 2025 թվականը։ Նրա բազային աշխատավարձը կազմելու է տարեկան 75 միլիոն դոլար և 200 միլիոն դոլար՝ կոմերցիոն վճարումների և դեսպանի պաշտոնի համար եկամուտների հետ միասին:
Կրիշտիանուի վերջին ակումբը եղել է «Մանչեսթեր Յունայթեդը», որը խզել է նրա պայմանագիրը նոյեմբերին։
