Ստամբուլում կայացավ Չեմպիոնների լիգայի եզրափակիչ խաղը։ Մրցաշարի գավաթի համար պայքարեցին Անգլիայի չեմպիոն եւ գավաթակիր «Մանչեսթեր Սիթին» ու Իտալիայի գավաթակիր ու սուպերգավաթակիր Միլանի «Ինտերը»։
Հանդիպումն ավարտվեց անգլիական ակումբի հաղթանակով։ Խոսեպ Գվարդիոլայի թիմը հաղթեց 1:0 հաշվով և պատմության մեջ առաջին անգամ նվաճեց ՉԼ գավաթը։
Հայաստանի ազգային հավաքականի նախկին ավագ Հենրիխ Մխիթարյանն «Ինտերի» պահեստայինների թվում էր և խաղադաշտ մտավ հանդիպման 84-րդ րոպեին՝ փոխարինելով թուրք կիսապաշտպան Հական Չալհանօղլուին:
Մխիթարյանն առաջին հայ ֆուտբոլիստն է, որը մասնակցեց այս հեղինակավոր մրցաշարի եզրափակիչին։