ՌԴ նախագահ Վլադիմիր Պուտինը պատրաստ է բանակցել անվտանգության երաշխիքների թեմայի շուրջ։ Այս մասին երկուշաբթի օրը CNN-ին հայտնել է ՌԴ նախագահի մամուլի քարտուղար Դմիտրի Պեսկովը։
«Նախ, նախագահ Պուտինը միշտ պահանջել է բանակցություններ և դիվանագիտություն: Եվ, փաստորեն, նա նախաձեռնեց Ռուսաստանի Դաշնության համար անվտանգության երաշխիքների հարցը: Ուկրաինան Ռուսաստանի անվտանգության երաշխիքների մեծ խնդրի միայն մի մասն է, և, իհարկե, նախագահ Պուտինը պատրաստ է բանակցել»,- ՏԱՍՍ-ի փոխանցմամբ ասել է Պեսկովը։
Վերջերս արեւմտյան երկրներում, ինչպես նաեւ Ուկրաինայում հայտարարություններ են հնչում Ուկրաինայի տարածք ռուսական հնարավոր ներխուժման մասին։ Պեսկովը նման տեղեկատվությունն անվանել է լարվածության անհիմն էսկալացիա և ընդգծել, որ Ռուսաստանը որևէ մեկի համար վտանգ չի ներկայացնում։