ՀՀ էկոնոմիկայի նախարար Վահան Քերոբյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպան Անն Լույոյին:
«Քննարկել ենք Փարիզում առաջիկայում կայանալիք Ֆրանսիա- Հայաստան առաջին Տնտեսական Գագաթնաժողովին առնչվող մի շարք հարցեր։
Գագաթնաժողովի նպատակն է ֆրանսիացի գործարարներին ներկայացնել Հայաստանի տնտեսական հնարավորությունները, ինչպես նաև ավելի արդյունավետ օգտագործել Հայաստանի և Ֆրանսիայի միջև տնտեսական համագործակցության ներուժը, մասնավորապես՝ կայուն ու կանաչ (ածխածին չպարունակող) տնտեսության, գյուղատնտեսության, ինչպես նաև բարձր տեխնոլոգիական արդյունաբերության ոլորտներում։
Անդրադարձել եմ նաև տնտեսության արդիականացման ծրագրին և մեր երկու երկրների տնտեսական կապերին առնչվող մի շարք այլ հերցերին»,-տեղեկացրել է Վահան Քերոբյանը։
