ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանը բացառել է այս փուլում հանրապետության սահմանը հատած ադրբեջանցիների փոխանակումը։
«Եթե տեղի է ունեցել հանցագործություն՝ մարդասպանություն, սահմանի խախտում, պետք է ամբողջությամբ քննվի, պարզաբանվեն բոլոր հանգամանքները, նոր դրանից հետո քաղաքական գործընթացներ գնան: Պետք է հիշել՝ մենք էլ Ադրբեջանում գերիներ ունենք. ինչ պրոցեսներ կընթանան, չեմ կարող ասել, բայց մի բան հստակ է` քննությունը դատախազությունում և քննչական մարմիններում չի ընդհատվելու, արարքը որակվելու է, հանցագործը դատվելու է», – ասել է նա լրագրողների հետ ճեպազրույցում։
Խաչատրյանը նաև հավելել է, որ սահմանը հատած ադրբեջանցիների արարքը որակվելու է, նրանք դատվելու են:
