Մարդու իրավունքների պաշտպան Անահիտ Մանասյանը ուղերձ է հղել Հայ մամուլի օրվա առթիվ, որում մասնավորապես ասվում է.
«Զանգվածային լրատվության միջոցների սիրելի՛ ներկայացուցիչներ, շնորհավորում եմ ձեզ Հայ մամուլի օրվա առթիվ:
Հայ մամուլի օրը ևս մեկ առիթ է խոսելու ձեր՝ լրատվական համայնքի բարդ ու պատասխանատու աշխատանքի մասին, ընդգծելու ձեր աշխատանքի կարևորությունը։ Հայ մամուլի աշխատանքը պետք է լինի ազատ ու պաշտպանված: Մամուլի ազատության երաշխավորման ուղղությամբ կարևոր է այնպիսի քայլերի ձեռնարկումը, որոնք կապահովեն բնականոն լրատվական գործունեության համար լիովին բարենպաստ միջավայրի առկայությունը և լրագրողների անվտանգությունը։
Որպես Մարդու իրավունքների պաշտպան՝ իմ մանդատի շրջանակում պատրաստ եմ անել առավելագույնը՝ պաշտպանելու համար ձեր ազատ և անխոչընդոտ աշխատանքը։ Կարևորում եմ նաև Պաշտպանի աշխատակազմի և լրատվամիջոցների միջև համագործակցությունը՝ ուղղված հասարակության առավել խոցելի խմբերին առնչվող զգայուն թեմաների պատշաճ լուսաբանման ապահովմանը:
Եվս մեկ անգամ շնորհավորելով մասնագիտական տոնի առթիվ՝ մաղթում եմ ձեզ հաջողություն ձեր աշխատանքում, ազատություն ձեր գործունեության մեջ և ձեր կարևոր առաքելության արժանի իրականացում»:
Առնչվող նյութեր
ՄԻՊ Քրիստիննե Գրիգորյանն այցելել է Ներքին Հանդ
Հոկտեմբերի 14-ին Մարդու իրավունքների պաշտպանն այցելել է Սյունիքի մարզի Ներքին Հանդ համայնք, որը սեպտեմբերի 13-ին Հայաստանի վրա ադրբեջանական…
Պրիգոժինի օդանավի կործանումը դիտավորություն է․ Euronews
Ամերիկյան հետախուզության նախնական գնահատականներով՝ ավիավթարի պատճառը, որում ինչպես հաղորդվում է, մահացել է «Վագների» ղեկավար Եվգենի Պրիգոժինը, դիտավորյալ պայթյունն…
Դուշանբեում կայացել է ՀԱՊԿ ռազմատնտեսական հանձնաժողովի 21-րդ նիստը
Դուշանբեում կայացել է ՀԱՊԿ ռազմատնտեսական համագործակցության միջպետական հանձնաժողովի 21-րդ նիստը։ Միջոցառումն անցկացվել է ՌԴ արդյունաբերության և առևտրի նախարար…
ՀՀ ՄԻՊ աշխատակազմն ուսումնասիրում է ադրբեջանական իշխանության մարմինների ելույթները
Մարդու իրավունքների պաշտպանի գրասենյակն առանձնացրել է Ադրբեջանի նախագահի «CNN Türk»-ին օգոստոսի 14-ի հարցազրույցի և օգոստոսի 16-ին Քարվաճառ ու…