ՀՀ պաշտպանության նախարար Սուրեն Պապիկյանը՝ հուլիսի 4-ին աշխատանքային խորհրդակցություն է անցկացրել ՊՆ տեղեկատվության և հասարակայնության հետ կապերի վարչության և «Զինուժ մեդիա» պետական հիմնարկի զինծառայողների և քաղաքացիական ծառայողների հետ։
Հանդիպման ընթացքում հնչել են զեկույցներ՝ 2023 թվականի 1-ին կիսամյակում կատարված աշխատանքների վերաբերյալ։
Մասնավորապես, անդրադարձ է կատարվել տեղեկատվության ապահովման, զանգվածային լրատվամիջոցների հետ համագործակցության, հանրային իրազեկման, զինված ուժերի առօրյայի լուսաբանման, հասարակական կազմակերպությունների հետ գործակցության և ոլորտին վերաբերող այլ ուղղություններով կատարված աշխատանքներին և առաջիկա անելիքներին։
Նախարարը մի շարք հանձնարարականներ է տվել և նախանշել ուղղություններ՝ աշխատանքներն առավել արդյունավետ իրականացնելու համար։
