Բրյուսելը դառնում է Փաշինյան-Ալիեւ հանդիպումների հիմնական վայրը: Այս առումով Բելգիայի մայրաքաղաքի հետ թերեւս մրցում է միայն Ռուսաստանը: 2020 թվականի պատերազմից հետո Նիկոլ Փաշինյան ու Իլհամ Ալիեւը առաջին անգամ հանդիպեցին 2021 թվականի հունվարին՝ Մոսկվայում: Այդ հանդիպման ընթացքում երկու երկրների առաջնորդները, Ռուսաստանի դաշնության նախագահի միջնորդությամբ, ստորագրել էին համատեղ հայտարարություն եւ պայմանավորվել էին աշխատանքներ իրականացնել տարածաշրջանում հաղորդակցությունների բացման ուղղությամբ: Այդ հանդիպումից մի քանի ամիս անց հաջորդեցին Ադրեբջանական զորքերի ներխուժումները Հայաստանի ինքիշխան տարածք, իսկ հաղորդակցությունների բացմանն ուղղված աշխատանքներում այդպես էլ էական առաջընթաց չարձանագրվեց:
Հայաստանի եւ Ադրնբեջանի ղեկավարների հաջորդ հանդպումը կայացավ 2021 թվականի նոյեմբերին Սոչիում: Այդ հանդիպումից օրեր առաջ հայտնի էր դարձել ,որ նախատեսվում է Բրյուսելում Փաշինյան Ալիեւ հանդիպումը: Սոչիում կողմերը Ռուսաստանի նախագահի հետ կրկին համատեղ հայտարարությունն էին ընդունել՝ տարածաշրջանում հաղորդակցություների բացման, սահմանում կայունության պահպանման եւ այլ հարցերի վերաբերյալ: Սոչիի հանդիպումից մի քանի օր անց Նիկոլ Փաշինյանն ու Ալիեւը կրկին հանդիպեցին, այս անգամ արդեն Բրյուսելում:
Թեպետ կողմերը այդ հանդիպումից հետո հայտարարեցին, որ ձևավորվել է կառուցողական մթնոլորտ՝ այդուամենայնիվ կողմերի միջեւ հարաբերությունների կարգավորման առումով էական տեղաշարժեր նկատելի չեն եղել մինչեւ այս պահը: Ավելին այդ հանդիպումներից հետո Ադրբեջանը գնաց ոչ թե կառուցողական ճանապարհով այլ հակառակը՝ ընտրեց սադրանքների եւ սրացումների ուղին: Այսօր Բրյուսելում կայանալու է Փաշինյանի եւ Ալիեւի հերթական հանդիպումը: Այս հանդիպմանը նախորդել էր Բաքվի կազմակերպած ռազմական գործողությունները Արցախում եւ գատազատրի հետ կապված սադրանքները:
