Մահվան վկայականով հաստատված, ինքնությունը պարզված 3621 զոհ ունենք, անհետ կորածների ցուցակում ունենք 321 մարդ, այսօր խորհրդարանում հայտարարել է վարչապետ Նիկոլ Փաշինյանը։
Վարչապետը նշել է նաեւ, որ ԴՆԹ հետազոտման մեջ գտնվող 201 մարմին կամ մասունք կա և ավելի քան 100 նույնականացված մարմին, բայց հարազատները ինչ-ինչ պատճառներով առայժմ հրաժարվում են ընդունել այդ փաստը, ինչը հասկանալի է։
«Մեր շատ հայրենակիցներ հավատում են, որ իրենց հարազատները ողջ են, գերեվարված են, կան ընտանիքներ, որոնք չեն հավատում ԴՆԹ հետազոտության արդյունքներին և իրենք իրենց նախաձեռնությամբ արտերկրում ԴՆԹ հետազոտություն են իրականացնում»,- ասաց վարչապետը։
