Ինջինիրեքսը վերջերս հայտարարեց 3D դիզայնի, ճարտարագիտության և ծրագրային ապահովման արտադրության ոլորտում համաշխարհային առաջատար Dassault Systèmes SOLIDWORKS-ի հետ իր նոր համագործակցության մասին։ Այս ամենի շնորհիվ Ինջինիրեքսը դարձավ SOLIDWORKS-ի առաջին գործընկերը Հայաստանում աշխարհի լավագույն դիզայնի և ինժեներական գործիքները հասանելի դարձնելով Հայաստանի բիզնեսների և ինժեներների համար: «Մենք շատ ոգևորված ենք SOLIDWORKS-ի հետ համագործակցելու և նրանց նորագույն տեխնոլոգիաները Հայաստանում հասանելի դարձնելու համար», – նշում է Ինջինիրեքսի հիմնադիր Վահե Նիկողոսյանը:
«Այս համագործակցությունը հայ ճարտարագետներին և գործարարներին հնարավորություն կտա ստեղծել նորարարական արտադրություն և ծառայություններ Հայաստանում ինժեներական ոլորտը դարձնելով մրցակցային համաշխարհային շուկայում»:
Dassault Systèmes SOLIDWORKS-ի Գլոբալ հաճախորդների ղեկավար Անդրե Կույումջյանն իր խոսքում նշեց, որ շատ ուրախ է համագործակցել Ինջինիրեքսի հետ և ընդլայնել իրենց հասանելիությունը Հայաստանում։ Նա վստահ է, որ այս համագործակցությունը կօգնի խթանել նորարարությունը և տնտեսական աճը Հայաստանում:
Այս համագործակցության առավելություններն են՝ հասանելիություն SOLIDWORKS-ի վերջին տեխնոլոգիային, աջակցություն տեղի լավագույն մասնագետների կողմից, դասընթացներ և վերապատրաստում Ինջինիրեքսի պրոֆեսիոնալ մասնագետների կողմից։
Ի դեպ, օրեր առաջ EngineerX-ը «ՕԳՆԻ» ՀԿ-ն, Արեն Մեհրաբյան հիմնադրամը համատեղ կազմակերպել էին արդյունաբերական դիզայն հակաթոն՝ դիզայնաթոն. աջակից գործընկերներն էին FabLab-ը, SOLIDWORKS օգտագործողների խմբի հայկական մասնաճյուղը (Armenia SWUG), ինչպես նաև «STRIVE» նախագիծը:
«ՕԳՆԻ»-ն հասարակական բարեգործական կազմակերպություն է, որի առաքելությունն է աջակցել անդամահատված անձանց՝ ստեղծելով և անվճար տրամադրելով պրոթեզների պատյաններ, ինչպես նաև անդամահատվածներին ֆիզիկական ու հոգեբանական բարեկեցության լուծումներ առաջարկելով: Այս մրցույթն ազատ ստեղծագործելու հնարավորություն էր տալիս ինդուստրիալ դիզայներներին և ինժեներներին, որում կարելի էր կիրառել սեփական դիզայնը, 3D մոդելավորումը և ստեղծագործական հմտությունները՝ Հայաստանում և ողջ աշխարհում անդամահատված անձանց աջակցելու համար։ Մասնակիցները կարողացան հաղթահարել մրցույթի մարտահրավերը, իսկ հաղթողները պարգևատրվեցին իրենց նորարար գաղափարներով ստեղծած էսթետիկ պրոթեզային պատյանների համար։
Dassault Systèmes SOLIDWORKS-ի մասին. Այն համաշխարհային առաջատարն է 3D դիզայնի, ճարտարագիտության և ծրագրային ապահովման արտադրության ոլորտում: Ընկերությունը տրամադրում է ապրանքների և ծառայությունների համապարփակ գործիքակազմ, որն օգնում է բոլոր չափերի բիզնեսներին նախագծել, զարգացնել և արտադրել նորարարական ապրանքներ: SOLIDWORKS-ն օգտագործվում է ավելի քան