Նոյեմբերի 14-ից 18-ը Կիպրոսում անցկացվել են Bold Wings – 2022 կոչվող զորավարժությունները Կիպրոսի Հանրապետության Ազգային գվարդիայի և Ֆրանսիայի զինված ուժերի հատուկ գործողություններ իրականացնելու համար պատասխանատու ստորաբաժանումների կողմից։ Այս մասին շաբաթ օրը հայտարարել է կղզու երկրի պաշտպանության նախարարությունը, որը չի հայտարարել այս զորավարժությունների մասին անցած շաբաթվա օրերին։
«Զորավարժությունների սցենարը ներառում էր տարբեր տեսակի անհատական և խմբակային կրակոցներ ռազմական զենքից, ինչպես նաև անձնակազմի կողմից ազատ անկման ժամանակ [պարաշյուտով] ցատկ կատարելու ուսուցում»,- ասվում է զեկույցում։
Կղզու ռազմական գերատեսչությունը նաև տեղեկացրել է, որ այդ զորավարժություններն իրականացվել են Կիպրոսի Հանրապետության և Ֆրանսիայի միջև պաշտպանական երկկողմ համագործակցության ծրագրի շրջանակում և նախատեսված են երկու երկրների զինված ուժերի «պատրաստման և փոխգործունակության մակարդակի» բարձրացման համար։
