Երկրաշարժի առաջին օրը Մալաթիայի հայ համայնքից երեք մարդ է զոհվել։ Այս ասին տեղեկացնում է Թուրքիայում լույս տեսնող «Ակոս» պարբերականի կայքը։
Կյանքը կորցրածներից երկուսն են՝ Սամի Թաբաշը և Այդա Թաբաշը։ Ընտանիքի երեխաներից մեկը՝ Ալեքս Թաբաշը, նույնպես մահացել է հիվանդանոցում։
Մալաթիայի հայ համայնքից անձը փլատակների տակ է’ հայտնի է դարձել, որ Էլմաս Քարաթաշը, ով գնացել էր շենք իր իրերը վերցնելու, երկրորդ երկրաշարժին մնացել է փլատակներում։
Իսկենդերունի հայ համայնքից՝ Արմիկ, Մեսրոպ, Թակուն Բալիքյաններից ոչ մի նորություն չկա: Անթաքիայի հայերից Անթուան Հորոզը մահացել է։
Հաղորդվում է, որ փլատակներում են նաև հայ երգչուհի Զիլան Տիգրիսը և ամուսինը Դիարբեքիրից, և դեռևս ոչ մի նորություն։ Տեղեկացվում է նաև, որ քաղաքում երկու հոգի են զոհվել հայ համայնքից։ Ադըյամանում հայ համայնքից մի մարդ փլատակներում է:
Իսկենդերունում վնասը մեծ է, ավերվել է Լատինական կաթոլիկ եկեղեցին, վնասվել է Քառասուն Մանկանց հայկական եկեղեցին, վնասվել է նաև հունական եկեղեցին։ Վնասվել է նաեւ Անթաքիայի հրեական սինագոգը։
Ենթադրվում է, որ փլատակներում է Անթաքիայի ուղղափառ համայնքից 100 մարդ։
Անթաքիայի հրեական համայնքի ղեկավար Շաուլ Չեդիօղլուին և կնոջը չի հաջողվել փրկել փլատակներից։
Դիարբեքիրի Սուրբ Կիրակոս եկեղեցին չի տուժել։ Եկեղեցին բացեց իր դուռը հանրության առաջ՝ դրսում մնացածների ապաստանի համար։ Երկրաշարժը ուժգին զգացվել է Վաքըֆլը, վնասվել են շենքերը, եկեղեցին գտնվում է լավ վիճակ։
Հալեպում նշվում է, որ հայ համայնքից 4 զոհ կա։